Tuesday, June 4, 2013

සිත් ඇදගත් මාලා නාටක (මම බලන ටීවී සීරීස්)

5 comments
  1. The Mentalist 
 තීර්ථ යාත්‍රිකයා නරඹා ඇති මාලා නාටක අතුරින් විශිෂ්ඨම මාලා නාටකයක් ලෙස The Mentalist හැඳින්විය හැකියි. මේ දක්වා මාලා 5 ක් විකාශය වී අවසන් . කතා මාලාවේ ගලා යාම ගැන සඳහනක් කලොත්, CBI (California Bureau of Investigation) යන කැලිෆෝනියාව පදනම් කරගත් විමර්ශන අංශයට විවිධ අපරාධ විසඳීමට උපකාර කරන පැට්‍රික් ජේන් (Patrick Jane) නම් ස්වාධීන උපදේශකයෙකු වටායි කතාව ගෙතෙන්නේ. ඔහු මිනිසුන්ගේ හැසිරීම් රටා නිරීක්ෂනය කොට ඒ ඇසුරින් තොරතුරු උකහා ගැනීමේ සමතෙක්. එමෙන්ම විවිධ ඇස්බැන්ඳුම්, මෝහනය කිරීම් සහ මිනිසුන් මැනිපියුලේට් කිරීමේ දක්ෂයෙක්. ඔහුත් සමඟ CBI ඒජන්තයන් 4 දෙනෙකුගෙන් යුත් කණ්ඩායමක් සිටිනවා. පැට්‍රික් ජේන් ((Patrick Jane) සාමාන්‍ය අපරාධ විසඳන අතරතුරේදී ඔහුගේ බිරිඳ සහ දියණියත් ඇතුලු තවත් මිනිසුන් ගණනාවක් ඝාතනය කල Red John නමැති සට කපට සීරියල් කිලර් අල්වාගැනීමේ උත්සාහයක නිරත වීම කතා මාලාව පුරාම විසිරී යනවා.  කතා රචකයා මෙම Red John නැමති මිනීමරුවා නිර්මාණය කල ඇති අපූරුවමය ස්වභාවය නිසා එම චරිතය අන්තර්ජාලය තුල බෙහෙවින්ම කතාබහට ලක්වුනා. Who is the Red John  ෆෝරම් අඩවියක්ද නිර්මාණය වී තිබෙන්නේ ඔහු කවුරුදැයි යනුවෙන් කතාබහට ලක්කිරීමටයි. කතා මාලාව පුරාවටම Red John චරිතය ප්‍රේක්ෂකයාට නිරාවරණය වන්නේ නැහැ. අධ්‍යක්ෂකට අනුව මීළඟට විකාශය වීමට නියමිත 6වන  කතාමාලාවේදී Red John ගේ අනන්‍යතාවය නිරාවරණය වනවා. ඒ සමඟම කතාමාලාව අවසන් වනවාද නැතිද යන්න ඔහු ප්‍රකාශ කොට නැහැ.

මේ තිබෙන්නේ Red John ගේ සංකේතයයි. ඔහු මනුෂ්‍ය ඝාතනයක් කල විට ඝාතකයා ඔහු බව ලෝකයට සැල කර සිටීමට ඝාතනය වූ පුද්ගලයාගේ රුධිරයෙන් මෙම සංකේතය අඳිනු ලබයි. ගංගොඩවිල විජේරාම පටුමගේ තාප්පයකත් මෙම සංකේතය ඇඳ තිබෙනු තීර්ථ යාත්‍රිකයා දැක තිබෙනවා :D . The Mentalist හි නිරුවත් දර්ශන අඩංගු නැති අතර අසභ්‍ය වචන භාවිතයද නොසැලකිය හැකි තරම් අඩු තත්වයක පවතිනවා.

2. Game of Thrones


පැරණි යුගයට අයත් කතාවක් ලෙස ගලා යන Game of Thrones ලොව පුරා අතිශය ජනප්‍රිය වුනා. මේ වන විට කොටස් දහය බැගින් වූ මාලා දෙකක් විකාශය අවසන් වී ඇති අතර වර්තමානයේ තෙවන කතා මාලාව විකාශය වෙනවා. තොරතුරු වලට අනුව 2014 දී සතරවන මාලාවද විකාශය වීමට නියමිතයි.  Game of Thrones නිර්මාණය කර ඇත්තේ A Song of Ice and Fire ලෙසින් නම් කොට ඇති ෆැන්ටසි නවකතා මාලාවක් ආශ්‍රයෙනුයි. බලකාමී රදල පවුල් ඔවුන්ගේ බලය රැක ගැනීමට සහ වර්ධනය කරගැනීමට ගන්නා විවිධ උපක්‍රම, ඔවුන්ගේ බලලෝභය හමුවේ අසරණ වන පීඩිතයන්, යුද්ධ සහ ලේ වැගිරීම් මේ කතා මාලාව පුරාම විසිරී පවතිනවා.


තෙවන කතා මාලාව නිකුත් වීමට ආසන්නයේ Game of Thrones පිළිඹඳ උනන්දුව උන්මාදයක් මෙන් පැතිරුනා. ඉහලින් දැක්වෙන්නේ ඒ කාලයේ නිර්මාණශීලී ලාංකිකයෙකු අතින් බිහිවූ නිර්මාණයක්. මෙය උපුටාගත්තේ ෆේස්බුක් අඩවියෙන්.නිර්මාණකරු පිළිඹඳ සඳහනක් තීර්ථ යාත්‍රිකයා සතුව නැහැ.එම නිසා නිර්මාණකරු සම්බන්ධ ලින්ක් එකක් ලබා දුනහොත් එය පලකරීමට තීර්ථ යාත්‍රිකයා මැලි වෙන්නේ නැහැ.

Game of Thrones හි කැපුම් කෙටුම් වද හිංසා ආදිය බහුලව තිබෙනවා. එමෙන්ම හිස් ගසා දැමීම්, කැපීම් කෙටීම් ආදිය අතිශය තාත්වික අන්දමට නිරූපණය කර තිබෙනවා.එම නිසා එවැනි දර්ශන බැලීමට අපහසුනම් Game of Thrones ඔබ සඳහා නොවෙයි. මෙහි නිරුවත් ලිංගික දර්ශනද රාශියක් අඩංගු බව හොඳින් මතකයේ තබාගත යුතු බව තීර්ථ යාත්‍රිකයා නිර්දේශ කරනවා.

මේ පිළිඹඳ කොටස් කිහිපයකින් ලිවීමට අදහස් කරන නිසා ඉතිරිය පසුවට........

5 comments:

  1. mona chanles walda mewa yanne?
    (zee cafe,stargold etc..)

    ReplyDelete
    Replies
    1. ඔබ කියල තිබෙන අනිත් ටීවී සීරීස් නම් මම බලල නැහැ.
      Game of Thrones විකාශය වෙන්නේ HBO , The Mentalist යන්නේ CBS වල.
      නමුත් ලංකාවෙ ඉන්නවා නම් වඩා ලේසිම ක්‍රමය ටොරන්ට් එකක් හොයාගන භාගත කරගන්න එක.

      Delete
  2. Starworld එකේ යනවා ටිකක් පරක්කු වෙලා

    ReplyDelete
  3. terra nova season 2 gana mukuth dannawada ?

    ReplyDelete
    Replies
    1. ටෙරා නෝවා පළවෙනි කොටසින් ඉවරයි. දෙවනි කොටසක් ආවේ නැහැ.

      Delete

අදහස්, උදහස්....

.