Thursday, December 6, 2012

ඡායාරූපකරණය සහ මම

11 comments
ඡායාරූපකරණය තීර්ථ යාත්‍රිකයගෙ ප්‍රධානම විනෝදාංශයක් වුනේ අහම්බෙන්.තීර්ථ යාත්‍රිකයා තොරතුරු තාක්ෂණ ක්ෂේත්‍රයට ආවෙත් ඒ වගේම අහඹු සිදුවීමක් නිසා.සමහර අහම්බයන් ජීවිතයට එකතු කරන්නේ යහපතක්.ඒ දවස්වල ප්‍රධානම විනෝදාංශ වෙලා තිබුනේ පොත් කියවීම, නිදාගැනීම :D , වගේ දේවල්. අන්තර්ජාලයයි පරිගණකයයි ජීවිතයේ ප්‍රධාන කොටසක් වුනාම ඒ විනෝදාංශ අතරට අන්තර්ජාලයේ රස්තියාදු ගහන එකයි, චිත්‍රපටි නරඹන එකයි එකතු වුනා.පහුකාලීනව කැමරා සහිත ජංගම දුරකතනයක් ලැබුනහම ඔහේ හතර අතට ෆොටෝ ගහන්නත් ඒ ඡායාරූප පරිගණකයේ ගබඩාකරල තියන්නත් තීර්ථ යාත්‍රිකයා පුරුදු වෙලා හිටියා. ඒත් ඡායාරූපකරණය ගැන හෝ එහි මූලික රීති ආදිය කිසිවක් ගැන අංශුමාත්‍ර දැනුමක් තිබුනේ නැහැ.

Read More...

Wednesday, September 5, 2012

වස්ගමුව වනෝද්‍යානය, මානිගල තරණය සහ නකල්ස් සංචාරය

19 comments
ආයුබෝවන් !  ටික කාලෙකට පස්සේ තීර්ථ යාත්‍රිකයා නැවත සටහනක් තබන්නේ මෑතකදී යෙදුන සුන්දර සංචාරයක සටහනක් සමඟයි. සංචාරය සංවිධානය කර තිබුනේ නකල්ස් හි ඇති Sir John's Bungalow සංචාරක ආයතනය මඟින්. සංචාරයට එක්වුනේ ශ්‍රී ලංකාවේ ප්‍රමුඛ සංචාරක සමාගම්වල නියෝජිතයින්. තීර්ථ යාත්‍රිකයා නියෝජනය කලේ Walksons Tourist ආයතනයයි. දින දෙකක සංචාරයේ ප්‍රධාන සංදිස්ථාන ත්‍රිත්වයක් අඩංගු වුනා. ඒ

1) සර් ජෝන් බංගලාව (නවාතැන)
2) වස්ගමුව වනෝද්‍යානයේ (ජීප් සෆාරිය)
3) මානිගල තරණය (Trekking)

Read More...

Monday, August 6, 2012

ජීව විද්‍යා නැදුන් දෙවැන්නේ කතා වස්තුව

6 comments
යටගිය දවස දඹදිව අබ්දුල් කලාම් නම් රජ තෙමේ දැහැමෙන් සෙමින් ජනරංජනය කරන කල්හි මෙලක හස්තියෙකුගේ රුව රැගත් හෙයින් හස්ථිශෛල්‍ය පුර නම් විරුද නාමය ලද මහනුවරක් විය. මෙකී හස්තිශෛල්‍ය පුරවර සහ මිහිගොමුව යා කරන්නාවූ ගැල් සකෙන් නුබුන් මගෙහි පුරවර සිට හූවක් තරම් වූ දුරකින් පිහිටි බොහෝ ජනී ජනයාගේ ප්‍රසාදයට ලක්වූ, පුද සත්කාර ලබන්නාවූ මහත්වූ පරසිදු තක්සලාවක් වෙයි. දුටු දුටුවන් භයෙන් ත්‍රස්ථ කරවන පලාවන් පැහැ ගත් ප්‍රාංශු දේහදාරී දොරටු පාලයන් නිරන්තරයෙන් ගැවසීගත්, මහාමේරූ පර්වතය හා සමවන්නාවූ අයෝමය විසල් ද්වාරයක් මේ තක්සලාව අභිමුඛයේ වෙයි.

මේ තක්සලාවට පිවිසුන කල්හිම වම්පසින් මහා තේජෝ බල පරාක්‍රමයෙන් යුතුව තක්සලාවේ විද්‍යාර්ථයින්ගේ මුදුන් මල්කඩ බඳුවූ තෙමහල් ප්‍රාසාදයක විරාජමාන වේ. මෙකී තෙමහල් ප්‍රාසාදයේ වාහල්කඩින් පිවිසුන කල්හිම , විටෙක නානාන්විත විකුම් පාමින්ද ,කට මැත දොඩමින්ද , තක්සලාව පුරා අනවසර දේශාටනයන්ගේ යෙදෙමින්ද. මුදුන් ආචාරීන්ගේ ඇස නොගැටී තක්සලා කොට පවුරෙන් වීදි බට, පුරවර නොයෙක් තන්හි සරමින් නැවත ප්‍රධාන ද්වාරයෙන්ම තක්සලාවට පිවිසෙමින්ද, තම තම ගුණ වර්ණනා කරගනිමින්, කුටුම්භයන්ට මූලිකත්වය දෙමින්ද, කුම්භකර්ණයන්ගෙන්ද, චෞරයන්ගෙන්ද සපිරි විවිධ අමනෝඥ්ඥ කටයුතු වල නියෙලෙමින් කල්ගෙවන්නාවූ මහා පුරුෂයෝ දෙතිස් දෙනෙකුගේ වාසස්ථානය වූ ජීව විද්‍යා නැදුන් දෙවැන්නේ කුටිය හමුවෙයි...........

----------------------------------------------------------------------------------------
කාලෙකට පස්සේ කාමරේ අස්කරපු (මේ දීර්ඝ නියගය නිමාකිරීමී පූර්ණ අදිටනින් :D ) පෙරේදා තීර්ථ යාත්‍රිකයාට පරණ මතකයන් ගොඩක් ආයෙත් මුණ ගැහුනා. ඉහලින් පලවෙලා තියෙන්නේ එයින් එකක්.
තීර්ථ යාත්‍රිකයාගේ පාසල වුනේ කුරුණෑගල මලියදේව විද්‍යාලය. තීර්ථ යාත්‍රිකයා 13 වන වසරේ ඉන්නකොට (සෑහෙන කාලෙකට කලින්.) තීර්ථ යාත්‍රිකයලා සංවිධානය කරපු විද්‍යා ප්‍රදර්ශනයේ බෙදන්න හදපු සටහනක් තමයි ඔය. ඒකෙ අතින් ලියපු කටු සටහන ආපහු හම්බුවුනා. ඒක ලියපු කෙනා කවුද කියලා ගාණක් නෑ. කොහොමෙන් හරි කටු සටහන අන්තිමට තිබුනේ තීර්ථ යාත්‍රිකයගේ බෑග් එකේ.  කර්තෘ මේක කියෙව්වොත් කමෙන්ට් එකකින් දන්වලා යමන් මචං... හුඟ කාලෙකට කලින් විඳපු බොහොම රසවත් මතකයක්.
Read More...

Friday, June 8, 2012

ඈරියා 51

20 comments
මිත්‍රවරුනි, හැමදාම නෑ හැමතැනම නෑ..මේ ආකාරයට සිංහල සබ් යෙදූ චිත්‍රපටි ගැන බයිස්කෝප් සිංහලෙන් වත් ඔය ගොල්ලන්ට දැනගන්න වෙන්නේ නෑ.. හැදෙන ගහ දෙපෙත්තෙන් දැනේ කියනවා වගේ , “සබ්වල ගුණාත්මක භාවය dvd කවරයෙන් පෙනේ“.... (කවර වල ඇති සිංහල වචන හොඳින් නිරීක්ෂණය කර අදාල ඉංග්‍රීසි වචනය සමඟ සසඳා බලන්න)

Read More...

Tuesday, May 29, 2012

සිරිපා කරුණා මතක සටහන්

8 comments
දීර්ඝ ඉඩෝරය නිමා කරලා වර්ෂාව ඇති කරවන්න තීර්ථ යාත්‍රිකයත් දායක වුනා..(සෑහෙන කාලෙකින් පෝස්ට් එකක් දාලා)..ඉතින් ඒ වර්ෂා තත්වය තව තවත් වැඩි කරන අදහසින් පිට පිටම මේ මාසයේ දෙවනි පෝස්ටුවත් දාන්නයි මේ සූදානම.. :D
තීර්ථ යාත්‍රිකයාගේ කුළුඳුල් සිරිපා ගමන ගැන මීට අවුරුදු දෙකකට කලින් පෝස්ටයන් තුනකින් විස්තර සහිත සටහනක් ලියවුනා..


අවුරුද්දක විරාමයක් තබලා මේ වසරෙත් තීර්ථ යාත්‍රිකයා තවත් යහලුවන් දෙදෙනෙකු සමඟ සිරිපා තරණය කලා පසුගිය මාර්තු මාසේ. ගියවර අත්දැකීම් වලින් දැනුමැති කම් යම්තාක් දුරට ලබලා තිබුන නිසා නිවැරදිව සියලු දේ කලමනාකරණය කරගෙන කිසිම හිරිහැරයක් කරදරයක් නැතිව ආපහු ගම්බිම් බලා එන්නට තීර්ථ යාත්‍රිකයායි සගයන් දෙදෙනායි සමත් වුනා.දීර්ඝ විස්තර සහිත සටහනක් තබලා පාඨකයන් වෙහෙසවන්නට බලාපොරොත්තු වන්නේ නැහැ.. :D.... පෝස්ටයේ අරමුන ගමන අතරතුරදී තීර්ථ යාත්‍රිකයා ලබාගත් ඡායාරූප කීපයක් බෙදාහදාගැනීමයි...


















Read More...

Wednesday, May 23, 2012

සීරියස් පොඩි එවුන්

22 comments
අන්තිමට පෝස්ට් එකක් ලියලා තියෙන්නේ මාර්තුවල... බ්ලොගෙත් ටිකක් විතර වල් වැදිලා ගිහිල්ලා :D .
අපේ අක්කගෙ පොඩි එකා අල්ලපු ගෙදර එයාගෙ වයසෙම ඉන්න පොඩි එකිත් එක්ක තරහා වෙලා. අක්කගෙ පොඩි එකානං කියන්නේ “ඒකිගෙ පන්ඩිත කම වැඩියි“  කියලා ... :D  . පහුගිය අවුරුදු වල ඒ දෙන්නා එක්ක අවුරුදු උත්සව වලට ගිහිල්ලා, කිරි කෑම, බිත්තර ඇල්ලීම වගේ සෙල්ලම් වලින් දිනලත් තිබුනා. ඒත් මේ පාර අපේ පොර වර්ජනයේ.. පොඩි එකී ඇවිල්ලා අඬනවා අක්කා ගාව අපේ මනුස්සයාව යාලු කරලා දෙන්න කියලා..
ම්හු.... “ඔබ ඇමතූ දුරකතනය ප්‍රතිචාරයක් නොමැත“.... ඒකයි අපේ මෑන්ගේ ප්‍රතිචාරේ.. බැරිම තැනද කොහෙද අර පොඩි එකී බොහොම දුක්මුසු ලීලාවෙන් කැරකි කැරකි ඉඳලා ගියා.... ඒ කතාව එතනින් ඉවරයි...

හවස්වරුවේ අක්කා හිනාව බොහොම අමාරුවෙන් හිරකරගෙන ඇවිල්ලා මට පොඩි එකාගෙ පොතක් පෙන්නුවා..ඒකේ අර පොඩි එකී මොනවද කුරුටු ගාල ගිහිල්ලා..ඒක බලපුවාම අක්කටයි මටයි හිනාව පිපිරිලා දෙගොඩතලා ගියා.....


මෙච්චර සිරා බරසාර වැකි ලියන්න පොඩි උන් කොහෙන් පුරුදුවෙනවද මංදා ? :D

අක්කගේ පොඩි එකා තාම මේක දැකලා නෑ.. ඌ සාමාන්‍යෙන් පොතක් අල්ලන්නේ යලට මහට. අපි කතාවුනේ  බැරිවෙලාවත් ඉස්කෝලෙ ගියවෙලාවෙ ගුරුවරයෙක් මේක දැක්කනං අපේ මෑන්ට හෙන නඩුවක් වැටෙනවා කියලා.....


Read More...

Thursday, March 8, 2012

බ්ලොග් කරණයේ දෙවසරක්.. 2 Years in blogging and good old days

32 comments
මෙම ලිපිය හොඳින්ම වලංගු වෙන්නේ පහුගිය මාසයට නැතිනං පෙබරවාරි මාසයට වුනත් ලියන්න ගත්තේ අද. :D . කාලය යන විදිහට ගෙවිලා ගිහිල්ලා මේ වෙනකොට තීර්ථ යාත්‍රාවට අවුරුදු දෙකක් පිරිලා හමාරයි.ඒක ඒ තරම් කියවන්නවත් සමරන්නවත් දෙයක් නොවුනත් කාලෙකින් බ්ලොගයේ මුකුත් ලියවෙච්චි නැති නිසා ඒ විස්තරෙත් පදනම් කරගෙන තීර්ථ යාත්‍රිකයාගේ අන්තර්ජාල ඉතිහාසයේ අත්දැකීම් ගැන පෝස්ටයක් ලියන්න හිතුනා.

තීර්ථ යාත්‍රාව කියන්නේ තීර්ථ යාත්‍රිකයා ආරම්භ කරපු තුන්වෙනි සිංහල බ්ලොගය.ඒ වගේම හරියට දිගටම පවත්වගන ආපු එකම සිංහල බ්ලොගය.එතකොට තීර්ථ යාත්‍රිකයාට මව්බසින් බ්ලොග් ලියන්න හිතුනේ ඇයි ? කියන එක ,ඒකට නම් උත්තර අදටත් නෑ..නිකංම හිතුනා කියන්න තමයි වෙන්නේ.

Read More...

Tuesday, January 31, 2012

අන්දර කැලේ දර ලීයේ කුරුමිණියා....

19 comments
පරණ ,ටිකක් වයසක උදවියත් එක්ක කතාබහ කරන එක විනෝද ජනක වැඩක්.මොකද ඒ අය ගොඩක් වෙලාවට කියන්න පෙළඹෙන්නේ ඒ කාලේ ඒ උදවියක කරපු කියපුවා එහෙමත් නැතිනම් අහපුවා.මේ කතා සවන් දෙන්නාගේ සිත ඇදගන්නා සුලු විදිහට ලුණු ඇඹුල් දාලා රසවත් වෙන්න කියන්න ගොඩක් වයසක උදවිය හරි දක්ෂයි.මේ අතරේ කයිවාරු කාර වගේම ගජබින්න දිග අරින සීයලත් ඇති පදං ඉන්නවා.තීර්ථ යාත්‍රිකයත් මේ වයසක පහේ උදවිය කියන කතා,කයිවාරු අහන්න බොහෝම ආසයි. සමහර වෙලාවලට ජීවිතේට අහලා නැති සිදුවීම්, කවි වගේ දේවලුත් කතාබහ කෙරෙනවා. ඒ වගේම තවත් පැහැදිලි වෙච්චි කාරණාවක් තමයි ඉස්සර කාලේ ඒ උදවියගේ ජීවිත ගෙවිලා ගිය බොහෝම සැහැල්ලු විදිහ සහ අද වගේ අනවශ්‍ය විදිහට හැමදේට ම සංස්කෘතිය ඇදගන නටන කතිකාවතක් ඒ දිනවල නොතිබුන බව.
තීර්ථ යාත්‍රිකයාගේ මව්පාර්ශවයේ පරම්පරාගත ගම තමයි කොබෙයිගනේ ප්‍රදේශය.එහෙ ගියවෙලාවක තීර්ථ යාත්‍රිකයාගේ ආදරණීය ලොකු අම්මාගෙන් තමයි මෙන්න මේ කියන පුංචි රසවත් කතාව තීර්ථ යාත්‍රිකයාගේ කණට වැටුනේ.
ඒ කාලේ තිබුනේ ඉස්කෝලයි, හිටියේ ඉස්කෝලෙ මහත්තුරුයිනේ. ගොඩක් වෙලාවට විදුහල්පති තුමා නැතිනම් මුල්ගුරුතුමාත් පංතිවලට උගන්නනවා.මේ උදවිය හොඳට හොඳයි,නරකට නරකයි.ඒ වගේම මොකක් හරි මගොඩි වැඩක් කලොත් දඬුවම් සැරයි.ඉතිං ඒ අතීත කාලේ තීර්ථ යාත්‍රිකයලාගේ සීයා කෙනෙකුත් මේ ගමේ ඉස්කෝලෙට තමයි ගිහිල්ලා තියෙන්නේ.මේ සීයා ටිකක් විතර නහට අහන්නැති කිපෙන සුලු චරිතයක් බවයි දැනගන්නට ලැබුනේ.එක්තරා දවසක පන්තියට උගන්වන පන්තිභාර ආචාර්ය තුමා පාසලට වාර්තා කරලා නැහැ.අද වගේ නෙවෙයි ඒ කාලයේ ගුරුවරු හිඟ නිසා ගොඩාක් පන්තිවල සියලුම විෂයන් උගන්වලා තියෙන්නේ පන්ති භාර ආචාර්යවරයාමයි.ඉතිං පන්තිබාර ගුරුතුමා පාසලට වාර්තාකලේ නැහැ කියන්නෙ එදා දවසම ළමයින්ට, අපේ භාෂාවෙන් කියනවා නම් සුපිරි බුල කෙලිල්ලක් තමයි.ඉතිං සීයලත් තමන්ගේ වගකීම හොඳින්ම ඉටුකරලා තියනවා.වහලේ උලු උඩ යනවලු කෑගැහිල්ලට.සද්දය ඉවසන්න බැරිම තැන මුල් ගුරුතුමා ඇවිල්ලා අල්ලගන්න පුලුවන් වුන කීපදෙනාට වේවැලෙන් හොඳටම සංග්‍රහ කරලා මොකක් හෝ වැඩක් පවරලා ගිහිල්ලා. ඒ ටික වෙලාවකින් ආපහු එන බව පවසමින්.
කෙලි සෙල්ලමෙන් ගතකරන්න පුලුවන් දවසක් මුල්ගුරුතුමා නිසා අලවෙන බව තේරුං ගියත් බය නිසාම කට්ටියම මීයො වගේ වැඩේ කරලා ඉන්නකොට විදුහල්පතිතුමා ආපහු පන්තියට වාර්තා කරලා කට්ටියගේ වැඩ කටයුතු බලන්න.ඊටත් පස්සෙ නියම කලාලු එක එක්කෙනාට නැගිටලා පන්තියටම ඇහෙන්න කවිය කවිය ගානේ කියන්න.
දැන් හැමෝම තම තමන්ගේ හැකියාව අනුව කවිය බැගින් කියමින් යද්දී අපේ සීයාගේ අවස්ථාවත් උදාවුනා.සීයත් පැකිලීමක් නැතිව මුලු ඉස්කෝලෙට ම ඇහෙන විදිහට ඇදලා පැදලා මෙන්න මේ කවිය කියන්න පටන්ගත්තා (ලු) (මේ කවිය තීර්ථ යාත්‍රිකයා මුල් වරට ඇහුවේ එදාමයි.)

අන්දර කැලේ දර ලීයේ                   කුරුමිණියා
බිම්බර මලේ තුඩ නෑරම රොන්              ගනියා
තන්තිරි ගසන ලෙස හැඬුවේ            කුරුමිණියා

මේ විදිහට පද තුනක් බොහෝම ලයාන්විතව ගායනා කරපු සීයා හදිස්සියේම මුල්ගුරුතුමා ගැන හිතට ආපු කෝප සිතුවිල්ලෙන් අන්තිම පදේ ගැලපුවාලු මෙහෙම

 ඒකා තමා තොපෙ අම්මගේ  හොර        මිනිහා.....

මේ විදිහට අන්තිම පදේ කියලා ඉවරවෙද්දි,පාසලම හූ හඬින් ගිගුම් දෙද්දි,මුල්ගුරුතුමා පාෂාණිභූතවෙලා බලාන ඉද්දි, තව දුරටත් හිටියොත් තමන්ගේ තත්වය සෝචනීය වෙනවා කියලා තේරුම් ගත්ත සීයා පොත් ටිකත් කිහිල්ලේ ගහගන කොට බිත්තියෙන් පැනලා දුවපු පිම්ම නැවතුනේ ගෙදර ගියාට පස්සෙ බවයි ලොකු අම්මාගෙන් තීර්ථ යාත්‍රිකයාට දැනගන්නට ලැබුනේ......


Read More...

Thursday, January 19, 2012

STOP SOPA

2 comments
Read More...
.